Takimi Osmani-Baerbock: Gjermania vazhdon insistimin, kërkon zhbllokimin e CEFTA-s

Ministria e Punëve të Jashtme të Gjermanisë ka dhënë detaje pas takimit të presidentes së Kosovës, Vjosa Osmani me kryediplomaten gjermane, Anna Baerbock.

Në takim është folur në lidhje me përparimin në CEFTA, si rrugë drejt integrimit rajonal.

Po ashtu, është diskutuar edhe normalizimi i marrëdhënieve mes Kosovës dhe Serbisë.

“Gjermania shoqëron Kosovën në rrugën e saj drejt BE-së. Për integrimin rajonal në dhe me Ballkanin Perëndimor, nevojitet përparim në CEFTA dhe normalizimi mes Kosovës dhe Serbisë. Kjo u diskutua sot mes ministres së Jashtme, Anna Baerbock dhe presidentes Vjosa Osmani në Berlin.” – thuhet në një postim në rrjetin social “X”.

#Deutschland begleitet #Kosovo auf dem Weg in die EU. Für regionale Integration im & mit dem westlichen Balkan braucht es Fortschritte bei CEFTA & bei der Normalisierung von Kosovo & Serbien. Darüber berieten heute @ABaerbock und Staatspräsidentin @VjosaOsmaniPRKS in Berlin. pic.twitter.com/CaE0yMOSVA

— Auswärtiges Amt (@AuswaertigesAmt) October 1, 2024