Tahiri: Më 9 shkurt i ndajmë rrugët nga Qeveria anti-shtetërore
Kandidati i AAK’së për deputet, Besnik Tahiri, ka reaguar pas hapjes zyrtare të fushatës së kësaj partie sot, shkruan Periskopi.
Tahiri tha se 9 shkurti nuk është ditë e zakonshme.
“Më 9 shkurt me i nda rrugët njëherë e përgjithmonë nga udhëheqja dhe politika e kësaj Qeverie anti-shtetërore”, ka shkruar ai në Facebook.
Postimi i plotë:
9 shkurti nuk është ditë e zakonshme, madje as zgjedhje të zakonshme.
Më 9 shkurt përcaktohet fati i këtij vendi, jo për katër vjet që vijnë, por ndoshta edhe për 100 vjetët e ardhshme.
Nuk ka ditë e moment më të mirë që Kosova më 9 shkurt me i nda rrugët njëherë e përgjithmonë nga udhëheqja dhe politika e kësaj Qeverie anti-shtetërore.
Vendi ynë ka nevojë për njerëz që i njohin dhe i respektojnë vlerat, trashëgiminë, rezistencën dhe kontributin për liri, vlerën më të shenjtë të historisë sonë më të re, që është UÇK-ja.
Me numrin 137, Kosova fiton, me ne qytetarët janë në qendër, me ne Kosova do të jetë në NATO.
