Supremja rrëzon vendimin e PZAP-it ku kishte dënuar me 7 mijë euro Listën për Familje
Gjykata Supreme ka rrëzuar vendimin e Panelit Zgjedhor për Ankesa dhe Parashtresa (PZAP), të cilët kishin dënuar me shtatë mijë euro koalicionin Listën për Familje.
Asdren Bytyqi, kandidat për deputet nga radhët e këtij koalicioni, e ka quajtur këtë vendim si “fitore e madhe ndaj Dylberizmit”.
“FITORE e madhe ndaj Dylberizmit! Gjykata Supreme e rrëzon vendimin e PZAP-së, me të cilin na ka shqiptuar gjobë 7000 euro për fjalët “turp ju qofte” “mbrojtja e dinjitetit tone njerzor dhe vazhdimesise se jetes, si dhe te ardhmen e femijeve tane nga degjenerimi dhe prishja”, “anomali sociale dhe dukuri degjenuese. Vendoset një standard i drejtë në mbrojtje të lirisë së shprehjes, duke u pranuar ankesa jonë si e bazuar, e ligjshme dhe e drejtë”, ka shkruar ai në Facebook.
Ndryshe, PZAP kishte dënuar mijëra euro koalicionin Listën për Familje, për shkak të gjuhës së përdorur gjatë fushatës zgjedhore.
