3 minuta më parëPresidenti Begaj pritet të kaloj në Kosovë, s'dihet arsyeja - Policia do t'i bllokoj disa rrugë
Periskopi(një orë më parë)
(një orë më parë)Presidenti i Shqipërisë, Bajram Begaj, pritet të kalojë sot nëpër territorin e Kosovës, ndërsa Policia e Kosovës ka njoftuar se do të ndërmarrë masa të veçanta për sigurinë dhe mbarëvajtjen e lëvizjes së eskortës zyrtare.
Sipas njoftimit të Policisë së Kosovës, për të mundësuar qarkullimin e lirë sipas itinerarit të lëvizjes së delegacionit, sot do të ketë ndërprerje të përkohshme të trafikut në disa segmente rrugore nga Pika e Kalimit Kufitar Vërmicë deri te Pika e Kalimit Kufitar Hani i Elezit.
“Policia e Kosovës do të bëjë ndërprerje të përkohshme të qarkullimit të trafikut në intervale të shkurtra kohore, të disa segmenteve rrugore nga Pika e Kalimit Kufitar Vërmicë deri në Pikëkalimin Kufitar Hani i Elezit dhe anasjelltas, gjatë kthimit me datën 11.06.2026”, thuhet në njoftim.
Policia ka bërë të ditur se, varësisht nga situata në terren, mund të ketë edhe riorientim të trafikut në rrugë alternative, me qëllim shmangien e bllokimeve dhe garantimin e sigurisë gjatë lëvizjes së eskortës presidenciale.
Policia e Kosovës ka falënderuar qytetarët dhe të gjithë pjesëmarrësit në trafik për mirëkuptimin, duke kërkuar bashkëpunim gjatë kohës sa do të zbatohen kufizimet e përkohshme në qarkullim.
