Sprinti i pabesueshëm i Llorentes në minutën e 91-të kundër Bilbaos do t’iu shkaktojë dhimbje në ligamente
Atletico Madridi është në rrezik ta humb titullin në La Liga.
Në një pikë gjatë këtij sezoni, skuadra e Diego Simeones u duk se do ta fitonte pa problem titullin e dytë të këtij shekulli, transmeton Periskopi.
Por rezultatet e dobëta në vazhdim ndikuan që puna të vijë deri këtu, që do të thotë se nëse Barcelona mposht Granadan të enjten mbrëma, Atletico do të bie në vendin e dytë kur kanë mbetur vetëm edhe pesë ndeshje deri në fund.
Goditja e fundit për klubin madrilen erdhi të dielën kundër Athletic Bilbaos, nga e cila u mposht 2-1 në ‘San Mames’.
Ishte një paraqitje tejet e dobët në përgjithësi nga skuadra e Simeones dhe shumë pak lojtarë kanë mundur të dalin nga stadiumi me kokën lart.
Një njeri i cili qartazi impresionoi, megjithatë, është Marcos Llorente.
Ish-ylli i Real Madridit ka qenë në formë të jashtëzakonshme këtë sezon, duke shënuar 11 gola dhe 10 asistime në 32 paraqitje në La Liga.
Një rast që e nënvizon paraqitjet e tij është sprinti drithërues i minutës së 91-të.
Siç raportohet nga ‘Mundo Deportivo’, spanjolli regjistroi shpejtësi prej 35.4 km/h, që është më i shpejti i regjistruar këtë sezon në La Liga.
Pamjet e mëposhtme nga sprinti i Llorentes do t’iu shkaktojnë shtrëngime në ligamente. /Periskopi.com/
Marcos Llorente last night broke the LaLiga speed record for the season. This sprint clocked at 35.4 km/hr was recorded in the 91st (!) min by him sprinting back to defend a counter.
Absolute joy to see so much commitment, in victory or in defeat. Honor. pic.twitter.com/OQ1hbvksdO
— AU (@parteyismo) April 26, 2021
