Sot shënohet Ora e Tokës, fiken dritat për një orë
Sot shënohet Ora e Tokës, një eveniment që kremtohet në mbarë botën.
Ora e Tokës, që është një organizim i Fondit Botëror për Natyrën (WWF), fton të gjithë njerëzit që sonte në mbrëmje në 20:30 me orën lokale secili të fikë dritat dhe pajisjet elektrike.
Ora e Tokës pati pikënisjen e saj në vitin 2007 në Sidnej të Australisë. Atë kohë, dritat u fikën në 2.2 milionë shtëpi dhe biznese për një orë me qëllimin për të pasur vëmendjen globale ndaj çështjeve alarmante të mjedisit.
Dritat do të fiken edhe në ndërtesat apo monumentet më të famshme në botë.
