Sokol Cikalleshi gjen përsëri golin, jep sinjale të mëdha para ndeshjes me Poloninë
Sokol Cikalleshi konfirmohet në formë para ndeshjes me Poloninë. Sulmuesi kuqezi ka gjetur sërish rrjetën në Arabinë Saudite, teksa këtë herë viktima e tij ka qenë Al Taee.
Në minutën e 13’, Cikalleshi i bëri presion mbrojtësit kundërshtar, duke e detyruar të gabojë dhe më pas, i vetëm me portierin, dërgoi topin në cepin e portës.
Më pas Al Khaleej dyfishoi shifrat, por nuk ia doli të marrë tre pikët, pasi pësoi dy gola në 10 minutat e fudit, duke u pajtuar me barazimin 2-2.
Ky ishte goli i 6 sezonal për Cikalleshin në Arabinë Saudite, ku po luan rregullisht dhe po bën mirë, teksa sulmuesi pritet të jetë pjesë e Kombëtares Shqiptare për ndeshjen ndaj Polonisë, më 27 mars.
