“Sjellje çnjerëzore, tifozët tanë u zhveshën në kufi me Serbi” – Stutgarti ka njoftuar UEFA-n për tmerrin e përjetuar në Beograd
Alexander Wehrle, drejtori ekzekutiv i Stutgartit, në një intervistë për Kicker ka treguar se çfarë torturash kanë kaluar tifozët e klubit gjerman gjatë vizitës së fundit në Beograd për ndeshjen me Cervena Zvezdës.
Crvena Zvezda priti Stutgartin më 27 nëntor dhe një ditë para ndeshjes tifozët e skuadrës gjermane u përballën me probleme të mëdha.
Tifozët e Stutgarti në kufi me Serbinë ka mbetur pa grupin më të zjarrtë të tifozëve, pasi 700 prej tyre iu ndalua hyrja në Serbi dhe u desh të ktheheshin në shtëpi.
Wehrle thekson se rojet kufitare u sollën në mënyrë joprofesionale ndaj gjermanëve.
“Burrat, por edhe gratë, u zhveshën duke i lënë pas asnjë rrobë, vetëm sepse do të shkonin një ndeshje”, deklaroi Wehrle.
Por kjo nuk ishte fundi i problemeve për tifozët e Stutgartit. Ata që kanë mbërritur në Beograd janë sulmuar nga grupi famëkeq Delijen në rrugët e kryeqytetit serb dhe policët i kanë trajtuar në mënyrë joprofesionale në vetë stadiumin.
“Ata që arritën të hynin në stadium u mbajtën në tribuna për më shumë se dy orë pas përfundimit të ndeshjes. Gjatë asaj kohe nuk u lejuan as të shkonin në tualet. Kjo është sjellje e papranueshme dhe për këtë është informuar UEFA. Duhet marrë parasysh këtë kur licencohet çdo klub duhet të sigurojë sjellje njerëzore ndaj tifozëve të ekipit kundërshtar”, përfundoi Wehrle. /Telegrafi/
