Shuma e majme që e fitoi familja e Andy Ruizit pasi vunë bast për fitoren e tij kundër Anthony Joshuas
Përvec që e panë familjarin e tyre duke u bërë meksiko-amerikani i parë që shpallet kampion në peshën e rëndë, fitorja e Andy Ruiz Jr kundër Anthony Joshuas kishte edhe benefite të tjera për familjen e tij në formën e basteve të suksesshme, transmeton Periskopi.
Ruiz Jr zbuloi se fitorja e tij në rundin e shtatë kundër Joshuas ia siguroi familjes së tij plot 24 mijë euro në baste, me prindërit dhe vëllanë e vogël që vunë bast për fitoren e tij.
”Kushdo që ka vënë bast në mua ka fituar pasuri,” tha Ruiz.
”E tëra familja ime vuri bast në mua, por nuk desha ta thoja.
”Sigurisht se besoja në fitore, por nuk doja të vëja para bast për këtë.
Fakti që nuk vuri bast në fitoren e tij nuk do ta lë shumë pa gjumë Ruizin pasi ai fitoi plot 6 milionë euro pas triumfit.
”Prindërit e mi fituan nga 10 mijë dollarë secili, ndërsa vëllai im fitoi 7 mijë dollarë.” /Periskopi.com/
