Shtimi i papritur në peshë mund të vijë nga një çrregullim hormonal; këto janë shenjat që jep trupi

Gjithkush e ka dëgjuar termin “hormon”. Por a e dini se çfarë janë aktualisht hormonet? Sipas Rrjetit të Shëndetit të Hormonit, hormonet janë lajmëtarë kimikë që kontrollojnë çdo funksion trupor. Megjithëse ka shumë të ngjarë që të jeni të njohur me estrogjenin dhe testosteronin, hormonet kryesore seksuale në femra dhe meshkuj, por ekzistojnë më shumë se një duzinë hormonesh që kontrollojnë gjithçka nga temperatura e trupit deri te stresi.

Kuptimi se si funksionojnë hormonet dhe se si mund të promovoni funksionin e hormoneve mund të bëni një ndryshim në shëndetin tuaj të përgjithshëm. Për shembull, ekzistojnë një numër hormonesh që luajnë një rol kyç në kontrollimin e urisë dhe humbjes së peshës. Disa prej tyre janë insulina, kortizoli dhe leptina.

A e dini se, zhvillimi i zakoneve të caktuara mund të rris hormonet e përdorura për kontrollin e urisë dhe humbjen e peshës?

Shumica e njerëzve janë të njohur me “insulinën” në lidhje me diabetin. Kjo është për shkak se insulina përcakton nëse sheqeri i gjakut përdoret për energji të menjëhershme ose ruhet si yndyrë. Çfarë hani dhe si hani ka një ndikim të drejtpërdrejtë në nivelet tuaja të insulinës. Kur hani shumë karbohidrate, prodhohet aq shumë insulinë që qelizat nuk mund ta absorbojnë dhe mëlçia e konverton atë në yndyrë. Për të kontrolluar nivelet e insulinës, hani ushqime si perime, mish dhe fibra çdo 2-3 orë. Dr. Anna Garrett thotë se është gjithashtu e rëndësishme të shmangni bukën e bardhë, sheqerin e bardhë dhe brumërat, si dhe ushqime të përpunuara.

Kortizoli është një “hormon stresi”, i cili ndikon në sheqerin në gjak, rregullon metabolizmin dhe kontrollon balancën e kripës dhe ujit. Kur jeni të stresuar, kortizoli inkurajon trupin për të ruajtur dhjamin rreth organeve vitale, shpjegon Shaën Talbott, në një artikull. Ky proces liron acide yndyrore të rrezikshme në gjak, të cilat më pas ngrenë nivelet e kolesterolit dhe insulinës. Për të kontrolluar nivelet e kortizolit, bëni një shëtitje gjatë pushimit tuaj të drekës, hani ngadalë, uleni sasinë e kafeinës dhe flini minimum 7 orë.

Leptin është “hormoni i urisë” që lidhet drejtpërdrejt me yndyrën e trupit dhe obezitetin. Ky hormon çlirohet nga qelizat e yndyrës dhe është kaq i fuqishëm, në të vërtetë mund të ketë efekt afatgjatë në  sasinë e ushqimit që ju bën të ndiheni të ngopur. Mënyrat më të mira për të mbajtur nën kontroll nivelet e leptinit, është të shmangni ushqimet me shumë sheqer dhe të përpunuarat.

Duke ngrënë ngadalë ushqime të vogla çdo 2-3 orë, kryesisht të përbërë nga perime, proteina dhe yndyra të shëndetshme, duke fjetur 7-9 orë të plota për një natë dhe duke shmangur ushqimet me sheqer dhe të përpunuar, mund të kontrolloni shtimin e peshës dhe hormonet e urisë. Kjo është një sekret i humbjes së peshës që në fakt punon! Pra, çfarë po prisni? Filloni të humbni peshë sot!