Shpërthimi në Zubin Potok: KRU ‘Mitrovica’ kërkon nga qytetarët të sigurojnë rezerva të ujit të pijes
Një shpërthim i fuqishëm është dëgjuar mbrëmjen e sotme në fshatin Varagë të Zubin Potokut, me ç’rast është dëmtuar kanali i ujit të Ibër-Lepencit.
Kompania Rajonale e Ujësjellësit ‘Mitrovica’ ka njoftuar se është ndërprerë furnizimi me ujë të pijes, si pasojë e dëmtimit të një pjesë të kanalit të Ibër Lepencit.
Ata kanë kërkuar nga qytetarët që të sigurojnë rezerva të ujit të pijes.
Njoftimi i plotë:
Të nderuar konsumatorë,
Si pasojë e dëmtimit të një pjese të kanalit të Ibër Lepencit, nga i cili kanal ne furnizohemi me ujë të pa përpunuar, është ndërprerërë furnizimi me ujë të pijes.
Prandaj, ju lusim që të siguroni rezerva të ujit të pijës.
Për çdo zhvillim të ri ne do u mbajmë të informuar.
Ju faleminderit për mirëkuptimin tuaj!
