Shpërthen zjarri në dhomat e zhveshjes, shtyhet fillimi i ndeshjes në Serie A
Është shtyrë fillimi i ndeshjes mes Empolit dhe Lecces, e vlefshme për javën e 28-të në Serie A.
Në njoftimin e klubit nikoqir thuhet se fillimi i ndeshjes është shtyrë për shkaqe sigurie.
Ndeshja ishte e paraparë të luhej nga ora 18:30, teksa tani pritet të fillojë në ora 19:30.
L’inizio della partita #EmpoliLecce è stato posticipato alle 19:30 per ragioni di sicurezza pic.twitter.com/oSYfdDKVoC
— Empoli Football Club Official (@EmpoliFC) April 3, 2023
Sipas “DAZN”, deri te vendimin për shtyrjen e ndeshjes erdhi për shkak se shpërtheu një zjarr në dhomat e zhveshjes.
Zjarri thuhej se ishte i vogël, por që po përhapej me shpejtësi.
Të dy ekipet u evakuuan në mënyrë që shërbimet zjarrfikëse të mund të hynin dhe të shuanin zjarrin, por duke pasur parasysh se ai u ndez nga sistemi elektrik, ekziston frika për më shumë probleme të mundshme dhe duhet hetuar, veçanërisht në një stadium që mban mijëra njerëz.
Sipas mediave italiane, gazetarët e kuptuan se diçka nuk ishte në rregull vetëm kur lojtari i Empolit, Tommaso Baldanzi, kërkoi të përdorte tualetin në zonën e shtypit të stadiumit “Carlo Castellani”.
