Shpërthen zjarr në resortin e skive në Turqi, 10 të vdekur e 32 me plagë të rënda

Një zjarr në një hotel resorti skish në Turqi ka vrarë të paktën 10 persona dhe ka plagosur 32 të tjerë.

Ministri i Brendshëm turk, Ali Yerlikaya tha se zjarri shpërtheu në resortin e hotelit të skive në Kartalkaya, të martën mbrëma, transmeton klankosova.tv.

Guvernatori i provincës Bolu, ku ndodhet resorti, i tha agjencisë shtetërore të lajmeve Anadolu se dy nga viktimat vdiqën pasi u hodhën nga ndërtesa në panik.

Aydın shtoi se hoteli kishte 234 të ftuar në momentin e aksidentit.

Shkaku i zjarrit sipas euronews, nuk dihet menjëherë.

Mediat lokale sugjeruan se veshja prej druri në pjesën e jashtme të hotelit mund të ketë përshpejtuar përhapjen e zjarrit.