Shkencëtarët: Kujdes me ‘selfie’ – mund të shkaktojnë çrregullim mendor

Bërja dhe postimi i selfie-ve ka një efekt të keq në psikikë, pretendojnë shkencëtarët.

Postimi i selfieve në mediat sociale është bërë një praktikë. Pavarësisht nëse njerëzit e bëjnë nga mërzia apo për të tërhequr vëmendjen, ky zakon nuk është gjithmonë i padëmshëm pasi mund të shndërrohet në një çrregullim mendor, veçanërisht te të rinjtë, paralajmërojnë ekspertët.

Një studim i fundit nga Universiteti Columbia tregoi se rreth 70 për qind e adoleshentëve vizitojnë rrjetet sociale çdo ditë. Në të njëjtën kohë, ata pinë duhan pesë herë më shpesh, pinë alkool tri herë më shpesh dhe përdorin marihuanë dy herë më shpesh.

Për shkak të rritjes së ndikimit të internetit në formimin e personalitetit te të rinjtë, psikologët paralajmërojnë se një sjellje e tillë mund të rritet në një problem psikologjik.

Në fakt, zbulimi i informacionit privat, si dhe fotografia, çon në rritjen e sekretimit të dopaminës, hormonit të lumturisë, i cili shoqërohet me sjellje varësie, thonë shkencëtarët e Harvardit. Ata besojnë se rrjetet sociale janë një katalizator për sjelljen gjithnjë e më të humbur të të rinjve, të cilët nuk kanë modelet e duhura.