Të paktën, kështu po thotë një grup i hulumtuesve në Austri. Në një studim të kryer nga Universiteti i Innsbruck-ut zbuluan se personat që kanë në preferencë shijet e hidhura mund të lidhen me tipare sadizmi, narcizmi, psikotizmi dhe makiavelizmi, shkruan The Independent, transmeton lajmi.net.

Studimi, i cili analizoi 953 njerëz, pyeti ata që të rendisin një larmi të llojeve të ndryshme të ushqimit dhe pijeve në një shklalë prej gjashtë pikash. Ushqimet në studim duhet të kishin shije të hidhura, tharta, njelmëta dhe ëmbla.

Kur u përpiluan të dhënat, ata zbuluan se ata njerëz që preferonin ushqim dhe pije me shije të hidhur gjithashtu treguan më shumë tendenca antisociale.

“Rezultatet e të dy studimeve konfirmuan hipotezën se preferencat e shijes së hidhur lidhen pozitivisht me tipare keqdashëse të personalitetit, me lidhjen më të fortë me sadizmin dhe psikopatinë e përditshme”, deklaruan kryesues të studimit.

Për çudi, të dhënat e tyre gjithashtu treguan se njerëzit që shfaqnin emocione më dashamirëse kishin më pak të ngjarë të lidheshin me njerëz sadistë.