Shiten të gjitha biletat për ndeshjen e dytë finale, Peja – Trepça

E diela e sotme është e rezervuar për ndeshjen e dytë të serisë finale së “Play Off”-it, mes Pejës e Trepçës.

Ndeshja e dytë do të zhvillohet në palestrën sportive “Karagaçi”, nga ora 17:00.

Pak orë para fillimit të kësaj ndeshje, klubi i Pejës ka njoftuar se janë shitur të gjitha biletat.

“Verdhezinjtë” gjithashtu kanë bërë të ditur se dyert e palestrës do të hapen në ora 14:00.

Njoftimi i plotë nga KB Peja (pa ndërhyrje):

“Ndeshja e dytë finale e kampionatit të Kosovës fillon sot në ora 17:00 dhe zhvillohet në Palestrën “Karagaqi” në Pejë.

Vëmendje:

Të gjitha biletat janë shitur dhe ju njoftojmë se nuk do keni mundësi të bleni bileta te Palestra.

Dyert e palestrës hapen në ora 14:00. Ju lutemi të gjithëve që posedojnë Bileta Standarde, VIP Bileta, dhe Kartele Vjetore të vijnë sa më heret për të evituar problemet.

Ndërsa për ata që nuk kanë mundësi të jenë prezent në Palestër, ndeshja transmetohet në Art Motion dhe Kujtesa Sport”.