SHBA jep mesazh: Presim që partitë politike dhe institucionet demokratike të Kosovës të përmbushin traditat e tyre demokratike

Ambasada e SHBA’së në Kosovë ka reaguar rreth fushatës zgjedhore në vendin tonë.

Përmes një reagimi, ata kanë kërkuar nga subjektet politike garuese që procesi të jetë fer dhe demokratik.

“Ambasada e SHBA-së mirëpret fillimin zyrtar të fushatës zgjedhore në Kosovë. Ne presim që partitë politike dhe institucionet demokratike të Kosovës të përmbushin traditat e tyre të forta demokratike. Zgjedhjet e lira, të drejta dhe transparente janë themeli i demokracisë dhe ne presim që të gjithë pjesëmarrësit të respektojnë sundimin e ligjit dhe proceset demokratike”, thuhet në reagim.