Shala pyet Qeverinë: Sa është numri i operatorëve të ujit në Kosovë, gjegjësisht ambalazhuesve?

Kuvendi i Kosovëska mbajtur një seancë të jashtëzakonshme për procesin e përllogaritjes së borxheve të kompanive ambalazhuese të ujit, si dhe mënyrën dhe bazën e shlyerjes së borxheve nga Ministria e Mjedisit, Planifikimit Hapësinor dhe Infrastrukturës.

Në fjalën e tij, deputeti i PDK-së Ferat Shala, ka kërkuar llogari nga Qeveria lidhur me këtë çështje.

“A është respektuar ligji për temën që po e trajtojmë? Tash hapat që i ka ndërmarrë shteti po tregojnë që nuk është respektuar. A është menaxhuar sektori i ujit mbi bazën e legjislacionit në fuqi? Kush dhe si menaxhon për sektorin e ujërave në Kosovë? Pse edhe pas tri vjet qeverisje, institucioni i ujërave udhëhiqet nga ushtrues detyre?, krejtësisht në mënyrë të paligjshme. Ne duhet ta dijmë se sa është numri i operatorëve të ujit, gjegjësisht ambalazhuesve?”.

Shala pati edhe një varg pyetjesh për ekzekutivin lidhur me këtë temë që u diskutuan në Kuvend nga opozitarët. /EO/