Serbi i jashtëzakonshëm, Vlahovic i destinuar të shkëlqejë në Premier League – Richards i mahnitur nga ai

Objektivi i Arsenalit, Dusan Vlahovic është vlerësuar lart nga analisti, Micah Richards, i cili e ka etiketuar yllin e Fiorentinës si një sulmues të kompletuar.

21-vjeçari nga Serbia, i cili është i lidhur me një marrëveshje në Firencë deri më 2023, ka qenë shumë i lidhur me një largim pasi refuzoi vazhdimin luksoz të kontratës, transmeton Periskopi.

Mikel Arteta besohet ta ketë bërë top prioritet transferimin e reprezentuesit të Serbisë, derisa është në kërkim të një qendërsulmuesi.

Vlahovic ka qenë brilant për Violan, teksa së fundmi barazoi rekordin me 33 gola të Cristiano Ronaldos brenda një viti kalendarik në Serie A.

Nga 20 ndeshje këtë sezon për Fiorentinën, ai ka shënuar 18 gola dhe tre asistime.

Dhe ish-mbrojtësi i ‘Qytetarëve’, Richards ka thurur lavde për të në një intervistë së fundmi.

”E kam shikuar disa herë tani. Ai është i rrufeshëm. Është i jashtëzakonshëm. Ai ka shënuar 16 në 18 ndeshje në Serie A këtë sezon.

”E majta e tij është e madhe. Po iu them tani, ai është gjithçka, gjithçka që iu duhet.” /Periskopi.com/