Salah kundër Manes, sonte luhet finalja e Kupës së Afrikës
Sonte me fillim nga ora 20:00 do të zhvillohet finalja e madhe e Kupës së Afrikës.
Përballë njëri-tjetrit, për t’u shpall kampion i Afrikës në futboll do të jenë dy superfuqitë, Senegali dhe Egjipti.
Kjo do të jetë edhe një përballje mes dy bashkëlojtarëve te Liverpooli, Mohamed Salah dhe Sadio Mane, që kanë barrën kryesore te “Reds”.
Për të kaluar në finale, Senegali fitoi lehtësisht 3:1 ndaj Burkina Fasos, ndërkohë Egjipit fitoi pas penalltive ndaj Kamerunit.
Sipas statistikave, pesë nga 11 finalet e Kupës së Afrikës kanë shkuar në penallti. Katër nga këto pas 120 minutave pa shënuar fare gola.
