Salah informon Liverpoolin se dëshiron kalimin te Al-Ittihad
Mohamed Salah duket se është joshur nga oferta që ka marrë nga Arabia Saudite.
Sipas gazetarit Rudy Galetti, sulmuesi ka informuar Liverpoolin se do të dëshironte t’i bashkohej Al-Ittihad, për të filluar një përvojë të re në Lindjen e Mesme.
Orët në vazhdim pritet të jenë vendimtare rreth të ardhmes së Salah. E hëna thuhet se është afati i fundit.
Vendimi përfundimtar do të varet nga Liverpooli dhe trajneri, Jurgen Klopp.
Siç është raportuar më herët, Al-Ittihad ka bërë ofertë të madhe, që besohet se është mbi 100 milionë euro, për transferimin e egjiptianit.
Ndryshe, 31-vjeçari me “Të Kuqtë” ka kontratë të vlefshme deri më 30 qershor 2025.
