Sa i kushtoi Real Madridit goli i Endrick?
Endrick realizoi gol për Real Madridin të dielën. Braziliani shënoi për 3-0 që mbylli fitoren e madrilenëve ndaj Valladolidit në Bernabeu.
Një gol që zhbllokoi një nga klauzolat në kontratën e brazilianit, me shpërblimet e famshme.
Në Brazil, mediumi ge.globo shpjegon se sipas këtyre klauzolave, Real Madridi duhet t’i paguajë 35 mijë euro Palmeiras-it për çdo gol, asist apo penallti të fituar nga Endrick deri në vitin 2030.
Kështu, sipas këtij mediumi, goli i Endrick i ka kushtuar Real Madridit 35 mijë euro.
Sipas mediave braziliane, nuk konfirmohet nga asnjëra palë nëse shpërblimet për golat dhe ndeshjet si titullar kanë një numër limit.
Në kontratën e Endrick ka një sërë bonusesh për të cilat Palmeiras mund të fitojë maksimumi 12.5 milionë euro.
