Sa gota ujë duhet në ditë duhet të konsumoni për të humbur peshë?

Është e rëndësishme të pini disa gota ujë në ditë për të qenë të shëndetshëm. Por, nëse jeni duke u përpjekur në mënyrë aktive të humbni peshë, kjo do t’ju ndihmojë edhe më shumë.

Sipas nutricionistes dhe dietologes Sushma Jaiswal rekomandimi i përgjithshëm është të pini nga katër deri në tetë gota ujë në ditë, duke marrë parasysh faktorë si mosha, gjinia dhe pesha, shkruan Express.co.uk.

Ndërkohë, gratë duhet të synojnë të pinë tetë deri në nëntë gota për të ndihmuar në humbje të peshës.

“Nëse pini një deri në dy gota ujë para ngrënies, kjo ka një efekt të jashtëzakonshëm në humbjen e peshës, sepse atëherë keni tendencë të hani më pak ushqim”, tha ajo.

Profesionistja përmendi gjithashtu se duke u hidratuar me ujë para ngrënies, mund të ndiheni më të ngopur dhe të konsumoni më pak kalori, duke ndihmuar përfundimisht në menaxhimin e peshës.

Pasi stomaku ndihet i kënaqur, i komunikon trurit se nuk keni më nevojë për ushqim. Pirja e ujit mund të ndihmojë gjithashtu në këtë duke mbushur stomakun, duke ju dhënë një ndjenjë të ngopjes dhe duke ulur urinë.

Duke ulur oreksin tuaj në këtë mënyrë, ju mund të ndaloni veten të hani shumë, gjë që mund të kontribuojë në humbjen e peshës.

Plus, nëse ndiheni të uritur, në fakt mund të jetë një shenjë e etjes. Zgjedhja për një gotë ujë në vend të ndonjë ushqimi mund të jetë gjithçka që trupi juaj dëshiron dhe t’ju ndihmojë të shmangni përtypjen e panevojshme.

“Kërkimet tregojnë se individët që konsumojnë dy gota ujë para ngrënies priren të humbin peshë me një ritëm më të shpejtë në krahasim me ata që nuk e bëjnë këtë. Uji luan një rol vendimtar në shpërndarjen e lëndëve ushqyese në të gjitha qelizat në trup, duke e bërë atë thelbësor për procesin e humbjes së peshës”.

Nëse nuk jeni adhurues i ujit të thjeshtë, ajo rekomandon që ta kombinoni me lëng limoni ose t’i hidhni disa manaferra për aromë shtesë. /Telegrafi/