Ronaldo, më shumë faule sesa goditje në portë këtë sezon në Premier League
Sulmuesi i Manchester United, Cristiano Ronaldo, ka kryer më shumë ndërhyrje të gabuara sesa ka pasur goditje në portë në Ligën Premier këtë sezon.
Sulmuesi 37-vjeçar nuk arriti të gjente rrjetën kundër Aston Villa në fundjavë – një histori shumë e njohur për sulmuesin me përvojë, i cili ka luftuar për të gjetur rrjetën këtë sezon.
Në fakt, Ronaldo ka shënuar vetëm tre herë në 16 ndeshje në të gjitha garat deri më tani këtë sezon, duke përfshirë një gol të vetëm në Ligën Premier.
Ka qenë një fillim për t’u harruar për golashënuesin më të mirë të të gjitha kohërave të Portugalisë përpara Kupës së Botës të këtij dimri, dhe një statistika në veçanti do të shqetësojë pa dyshim tifozët e tij.
Doli pas ndeshjes së Aston Villas se Ronaldo ka bërë gjithsej shtatë faulle në Ligën Premier këtë sezon – një statistikë që u krahasua shpejt me gjashtë goditjet e tij në portë.
Dhe rezulton se vetëm një nga ato tentativa për gjuajtje ishte e suksesshme – ai goli i barazimit në “Goodison Park” muajin e kaluar.
