Ronaldo afër nënshkrimit të madh – ‘MARCA’ zbulon detajet e ofertës

Cristiano Ronaldo po shkon gjithnjë e më afër nënshkrimit me klubin Al Nassr në Arabinë Saudite pasi sulmuesi ndodhet në Dubai dhe është gati për një vendim të tillë.

Zhgënjimi në Kupën e Botës me Portugalinë mund ta bëjë atë të vendos për të ardhmen e tij, shkruan Periskopi.

Në Riad presin që ai të nënshkruajë marrëveshjen dhe kështu të bëhet lojtar i Al Nassr deri në qershor të vitit 2025.

Bisedimet filluan në kohën kur ai u largua nga Man United dhe në fillim të Kupës së Botës, gjë që bëri që Ronaldo të mos merrte një vendim.

Siç ka mësuar MARCA, lëvizja pritet të ndodhë në vitin 2022 dhe Al Nassr së fundmi ka rifituar drejtimin e kampionatit saudit nën drejtimin e Rudi Garcia dhe me spanjollin Alvaro Gonzalez në skuadër.

Para të mëdha

Oferta është për dy sezone e gjysmë me një pagesë për sezon rreth 200 milionë euro mes marrëveshjeve të pagave dhe reklamave.

Në Arabinë Saudite, ardhja e Cristiano Ronaldos konsiderohet një nënshkrim shtetëror, një operacion që do ta vendoste vendin në hartën e futbollit botëror, me aspiratën për të pritur Kupën e Botës 2030.

Projekti që ata kanë nisur është ambicioz dhe përfshin të bëhen më të spikatur në botën e sportit, siç kanë bërë tashmë në futboll me Superkupën e Spanjës dhe më pas Formula 1, golf, gara me kuaj në nivelin më të lartë.

Cristiano po përfiton nga Krishtlindjet për të kaluar disa ditë pushimi në Dubai. Kupa e Botës ka qenë një goditje shumë e rëndë për portugezin dhe ai po e ka të vështirë ta përtypë atë, veçanërisht me triumfin e Argjentinës dhe rivalit të tij të madh Lionel Messi .