Reali e “shkel” Barcelonën në Camp Nou dhe e siguron finalen e Copa del Re
Real Madridi me një performancë spektakolare ka arritur të kualifikohet në finale të Kupës së Mbretit.
“Los Blancos” triumfuan 0:4 në “Camp Nou” ndaj Barcelonës, duke e përmbysur rezultatin 0:1 nga ndeshja e parë.
Vinicius Junior kaloi mysafirët në epërsi në minutën shtesë të pjesës së parë, për ta barazuar rezultatin e përgjithshëm.
Por, pjesa e dytë ishte e gjitha për mysafirët dhe për Karim Benzeman në veçanti.
Ai realizoi hat-trik në pjesën e dytë, për ta kualifikuar ekipin e tij në finale.
50’, 58’ dhe 80’ ishin minutat kur Benzema e dërgoi topin pas Ter Stegenit.
Në finale, Real Madridi do të përballet me Osasunan, që dje e eliminoi Athletic Bilbaon.
