Real Madridi kërkon ta rrëmbejë mbrojtësin e Interit
Real Madridi është duke e shqyrtuar seriozisht mundësinë e transferimit të Denzel Dumfries, raporton “Defensa Central”.
Holandezi, aktualisht pjesë e skuadrës së Interit, ka pasur një fillim të vështirë me kampionët e Italisë, por në ndeshjet e fundit forma e tij ka pasur një rritje të konsiderueshme, përcjellë KosovaPress.
Por qëndrimi i tij në Inter mund të jetë i shkurtër nëse “Los Blancos” arrijnë ta konkretizojnë idenë e tyre, me klubin që e sheh atë si një përforcim ideal për pozitën e mbrojtësit të djathtë.
