Ramush Haradinaj nga Juniku: Investime, mbështetje për bujqësinë dhe paga më të larta
Ramush Haradinaj, kandidati i koalicionit AAK-NISMA për kryeministër, ka premtuar investime të mëdha për Junikun, duke theksuar se do të vazhdojnë investimet infrastrukturore dhe zhvillimin e turizmit në këtë zonë.
Ai gjithashtu premtoi trefishimin e subvencioneve për bujqësi dhe ndarjen e granteve pa kthim për të rinjtë që hapin biznese. Haradinaj theksoi se do të rriten pensionet dhe paga mesatare, ndërsa do të ofrohen bursa për të gjithë studentët.
Po ashtu, ai premtoi furnizim me energji elektrike 24 orë dhe çmim më të lirë për energjinë.
Haradinaj shprehu falënderimet për mbështetjen e vazhdueshme të qytetarëve të Junikut dhe u angazhua për një Kosovë Fituese.
Vazhdojmë në Junik – për Kosovën Fituese 137
Në Junik do të vazhdojmë investimet infrastrukturore dhe investimet për zhvillimin e turizmit.
Do të trefishojmë subvencionet për bujqësi dhe do të ndajmë grante pa kthim për të rinjtë që hapin biznese.
Pensione jo më të vogla se 500, e paga mesatare mbi 1000 euro.
Bursa për të gjithë studentët, si në universitete publike ashtu edhe në ato private.
Energji elektrike 24 orë, me çmim të paktën 20 përqind më të lirë.
Ishim bashkë me junikasit që nga dita e parë e themelimit të komunës. Sonte u dëshmua vazhdimësia, me përkrahjen e tyre madhështore për vizionin e Kosovës Fituese.
Junik, faleminderit për mbështetjen e vazhdueshme.
Për Kosovën Fituese 1️⃣3️⃣7️⃣
