Ramosi flet pas humbjes nga Bayerni: Jam shumë i zhgënjyer, shkojmë për fitore në ndeshjen e kthimit

Kanë përfunduar dy ndeshjet e Ligës së Kampionëve.

Bayern Munich ka arritur një fitore shumë të rëndësishme në Francë ndaj PSG’së.

Rezultati përfundimtar në ‘Parc des Princes’ ishte 0 me 1.Një gol i Coman i dha fitoren skuadrës gjermane, fitore kjo që i jep një përparësi të madhe para ndeshjes kthyese.

Mbrojtësi i PSG’së, Sergio Ramos tha se është i zhgënjyer me rezultatin e ndeshjes.“Ishte një lojë shumë e diskutueshme. Në pjesën e parë luajtëm shumë dobët, ishim shumë në mbrojtje, ishte një ndeshje shumë e vështirë, shumë e komplikuar.

Jam shumë i zhgënjyer për tifozët, por ata ishin aty. Duhet të kemi më shumë karakter në ndeshjen e kthimit, më shumë vertikalitet.

“Ne duam të fitojmë, të jemi më të mirët që mund të jemi, por ky është futbolli. Ndonjëherë luajmë mirë, ndonjëherë luajmë keq. Ajo që ka rëndësi është rezultati përfundimtar. Sa më shumë të luajmë, aq më shumë përvojë kemi. Do të jetë mirë gjithnjë e më mirë. Por ne duhet të qëndrojmë të bashkuar”, tha Ramos.