Ramabajes i del punë me Hovenierin, e sulmon për zgjedhjet
Teleanalisti dhe anëtari i Lëvizjes Vetëvendosje, Sadri Ramabaja, ka akuzuar rëndë ambasadorin amerikan Jeffrey Hovenier se “mori anë, hapur dhe ekskluzivisht” në betejën zgjedhore që po vjen në Kosovë, përkatësisht në fushatën zgjedhore që po shpalohet për zgjedhjet parlamentare në shkurt të vitit të ardhshëm.
Por, Ramabaja vazhdon shpresshëm në analizën e tij, duke pretenduar se vizita e shefit të CIA-s në Kosovë, William Burns, “do t’i jap fund kurtheve të diplomatëve” duke iu referuar Hovenierit, në atë që, sipas tij, ky i fundit u “pozicionua” elektoralisht.
“Mendoj që kjo vizitë (e William Burns) do t’i japë fund kurtheve të diplomatëve si ky Hovenier, për t’u pozicionuar në betejën elektorale që po vjen. Deklarata e Hovenier ishte eksluzivisht anim i hapur në betejën elektorale në Kosovë”, tha Ramabadaj në një media të Shqipërisë me emrin “5 pyetjet AL”.
