Rama mbledh të dielën Asamblenë Kombëtare të Partisë Socialiste

Partia Socialiste do të zhvillojë të dielën e 8 tetorit mbledhjen e Asamblesë Kombëtare, e cila do të mbahet në Durrës. Në mbledhjen e katërt të saj brenda këtij viti, PS synon të përmbyllë procesin e rienergjizimit të partisë me zgjedhjen e kryesisë dhe sekretariateve përkatëse.

A2 CNN ka zbardhur agjendën e Asamblesë Kombëtare Socialiste, ku parashikohet që takimi do të nisë në orën 11.00 dhe do të mbahet në një prej resorteve të qytetit bregdetar.

Ndër katër pikat e kësaj agjende janë fjala e Kryetarit të Partisë Socialiste, Edi Rama dhe zgjedhja e organeve drejtuese të PS.

“N J O F T I M
Mbështetur në Statutin e PS, neni 37, pika 5, ju njoftoj se më datën 08.09.2024, ora 11.00, në sallën e Hotel FAFA Durrës, zhvillohet mbledhja e Asamblesë Kombëtare të PS me rend dite:

1. Hapja e mbledhjes dhe miratimi i Rendit të ditës.

 2. Fjala e Kryetarit të Partisë Socialiste, Edi Rama.

 3. Zgjedhja e organeve drejtuese të PS.

 4. Të ndryshme.

  SEKRETARI I PËRGJITHSHËM I PS  Blendi KLOSI”, njofton PS.

Ndërkohë pak orë më parë në rrjetet sociale Rama informoi se kurset e edicionit të parë të Akademisë politike të PS-së përfunduan me sukses dhe tashmë do të dalin në terren studentët e parë që e kaluan këtë fazë, për të qenë pjesë e gjeneratës së re politike në vend.