Rama elektrizon stadiumin në Athinë, shqiptarët brohorasin me flamuj në duar (VIDEO)
Që prej orëve të para të mëngjesit qytetarët kanë nisur të mblidhen në stadiumin Galatsi, ku kryeministri Edi Rama do të zhvillojë një takim me bashkëatdhetarët.
Shqiptarët të cilët po e mbushin stadiumin plotë duken të entuziasmuar, nga pamjet e siguruara nga gazeta Tema.
Ata shihen duke brohorritur dhe duke valvitur flamujtë shqiptar dhe janë në pritje të fjalimit të Ramës.
Vizita e tij, ka ngritur në këmbë autoritetet greke, ku nën masa të rrepta sigurie me 1000 punonjës policie, do sigurojnë mbarëvajtjen e këtij takimi. Stadiumi Galatsit është “sterilizuar” nga qen të trajnuar dhe pajisje speciale për zbulimin e mjeteve shpërthyese, si dhe po monitorohet dhe ka akses të kontrolluar.
Dronët dhe helikopterët do të monitorojnë vazhdimisht zonën, ndërsa snajperët nga EKAM do të jenë në pika të përzgjedhura.
