Që nga sot, një risi e re në Twitter (Foto/Video)

Twitter e ka përmbushur një veqori të re të cilën e kishte premtuar muaj më parë. Përdoruesit e Twitter kanë mundësinë që nga sot që të transmetojnë live video, pavarësisht nëse përdorni periscope ose jo.

Çdo cicërimë e cila përfaqëson një video live mund të ri-cicërohet, pëlqehet dhe shpërndahet si çdo cicërimë e zakonshme.

Për ta shfrytëzuar këtë opsion të ri, ju duhet të përditësoni aplikasionin e ri në iOS dhe Android.

Për të filluar një video live duhet të klikoni butonin “Tweet” dhe përzgjidhni opsionin “Live.” Do të hapet një dritare paraprake e cila tregon sesi do të shfaqet videoja dhe çfarë do të shfaqet në të. Më pas duke klikuar butonin “Go Live” fillon edhe transmetimi./Indeksonline/