Në një fjalim televiziv në këshillin e tij të sigurisë kombëtare, ai ka pranuar gjithashtu dëshirën e Trumpit për të rifilluar kontaktet me Rusinë dhe vërejtjet e mëparshme të presidentit të zgjedhur për të bërë gjithçka që është e mundur për të parandaluar një luftë të tretë botërore, raporton BBC.

“Sigurisht, ne e mirëpresim këtë qëndrim dhe përgëzojmë presidentin e sapo inauguruar të SHBA-së për marrjen e detyrës”, ka thënë Putin.

Udhëheqësi i Kremlinit ka shtuar se ai është i hapur për dialog me administratën Trump për luftën në Ukrainë dhe se qëndrimi i tij është se atje “nuk duhet të ketë një armëpushim të përkohshëm”, por më tepër një “paqe afatgjatë e bazuar në respektimin e interesave legjitime të të gjithëve”.