Një rast i tillë ka ndodhur në Ministrinë e Arsimit, Shkencës e Teknologjisë. Është shpallur fituese një kompani nga Greqia, shteti që nuk e njeh Kosovën por që vizitohet shpesh nga kryeministri Kurti.

Kompania “Hamillton House” është shtëpia botuese nga Greqia që do të përfitoj nga pushteti i Kurtit.

Ajo përfaqësohet në Kosovë nga kompania “Pema”.

Kompania kosovare ka aplikuar në konkursin e vitit të kaluar për të furnizuar shkollat me librat e gjuhës angleze.

Ajo i sjell në Kosovë librat e botuara nga kompania greke. Deri më tash të autorizuar kanë qenë kompani amerikane.

Është hera e parë që botimet e një kompanie greke përzgjidhen nga MASHT’i për tu shpërndarë në shkollat e Kosovës.

MASHT nuk jep sqarime për kriteret e përzgjedhjës

Konkursi për librat e gjuhës angleze është shpallur dy herë.

Herën e parë kërkohej një dokument nga botuesi që aplikuesi, në këtë rast kompania Pema, është e autorizuar nga botuesi i huaj për Republikën e Kosovës.

Herën e dytë është hequr kjo fjali.

Burimet e Insajderit kanë treguar se ky ndryshim ka ndodhur meqë kompanitë greke refuzojnë të lëshojnë dokument ku ceket Republika e Kosovës, meqë Greqia ende nuk e ka njohur Kosovën shtet.

Gazeta ka pyetur MAShT’in edhe se pse shpallet fitues një kompani nga Greqia meqe ende nuk ka njohje nga ky shtet.

MASHT ende nuk ka dhënë përgjigje./insajderi