Publikohet renditja e re e FIFA-së, ja ku pozicionohen Kosova dhe Shqipëria
Shtëpia më e madhe e futbollit botëror FIFA ka publikuar së fundi renditjen më të re të shteteve, bazuar në paraqitjet dhe sukseset e arritur gjatë vitit 2021 në futboll.
Belgjika vazhdon të mbetet kombëtarja më e vlerësuar, pra në vendin e parë, e pasuar nga Brazili dhe Franca, kurse pesëshja e parë kompletohet me Anglinë dhe Argjentinën.
Kampioni i Evropës pozicionohet në vendin e gjashtë kurse pas saj është Spanja në vendin e shtatë.
Sa i përket Kosovës, “Dardanët” janë të renditur në pozitën e 111, kurse Shqipëria është në të 66-tën.
