Publikohen pamje nga seanca fillestare ndaj të dyshuarit për vrasjen e dyfishtë në Klinë

Një ngjarje e rëndë ka ndodhur mbrëmë në një lokal të Klinës, ku mbetën në vrarë dy persona.

Para pak minutash, ka nisur seanca fillestare ndaj të dyshuarit për vrasjen e dyfishtë në Klinë.

Policia më herët ka bërë të ditur se një person ka shtënë me armë zjarri drejt dy viktima. Njëri prej tyre ka ndërruar jetë në vendin e ngjarjes, ndërsa viktima e dyta është dërguar në Spitalin e Pejës ku për shkak të plagëve të marra ka ndërruar jetë.

Në vendin e ngjarjes, është sekuestruar arma e zjarrit me një karikator me katër fishekë dhe tri gëzhoja konfiskohen.

“Sheshi ‘Mujë Krasniqi’, Klinë 13.11.2024-17:17. Është arrestuar i dyshuari mashkull kosovar, pasi që ai ka shtënë me armë zjarri në drejtim të dy viktimave meshkuj kosovarë. Si pasojë, njeri prej tyre ndërron jetë në vendin e ngjarjes, vdekjen e të cilit e konstaton ekipi mjekësor, ndërsa tjetri dërgohen në Spitalin e Pejës ku për shkak të plagëve të marra ndërron jetë. Në vendin e ngjarjes kanë dalë të gjitha njësitet përkatëse, arma e zjarrit me një karikator me katër fishekë dhe tri gëzhoja konfiskohen, ndërsa me vendim të prokurorit, trupat e pa jetë dërgohen në IML për obduksion, ndërsa i dyshuari dërgohet në mbajtje”, thuhet në raportin 24-orësh të policisë.