Pse ndeshja mes Arsenalit dhe Evertonit nuk do të trasmetohet në Angli

Arsenali pret Everton në Emirates të mërkurën në mbrëmje, teksa kërkon hakmarrje për humbjen e tyre në Goodison Park në fillim të shkurtit.

James Tarkowski shënoi golin e vetëm gjatë ndeshjes së parë të Sean Dyche në krye të Evertonit, duke i dhënë skuadrës së Mikel Artetës humbjen e tyre të dytë të sezonit në ligë, shkruan Periskopi.

Megjithatë, dy fitore radhazi kundër Aston Villa dhe Leicester kanë bërë që Topçinjtë të rimarrin vendin e parë në Premierligë.

Skuadra e Arsenalit do të shpresojë të kalojë pesë pikë përpara Manchester Cityt me një fitore ndaj Toffees.

Ndërkohë, Everton është larguar nga humbja zhgënjyese 2-0 në shtëpi ndaj Aston Villas, pasi u rikthye në zonën e rënies.

Pse ndeshja mes Arsenalit dhe Evertonit nuk do të trasmetohet në TV?

Takimi fillimisht ishte planifikuar për në shtator të vitit të kaluar. Megjithatë, loja u shty pas vdekjes së Mbretëreshës Elizabeth II.

Ndeshja nuk do të shfaqet në TV sepse orari nuk përshtatet me trasmetimet në Mbretërinë e Bashkuar.

Pavarësisht shtyrjes së lojës, ndeshja e riorganizuar ende nuk është e autorizuar të shfaqet në TV.

Fatkeqësisht për tifozët e Topçinjve, liderët e Premier League nuk po shfaqen në TV për tre ndeshje radhazi, me fitoren e tyre 1-0 ndaj Leicesterit që nuk u transmetua në televizion.