Prokuroria: Zyrtari i komunës së Parteshit konfirmoi certifikatën e të qenit e gjallë një gruaje të vdekur
Prokuroria Themelore në Gjilan ka kërkuar caktimin e masës së paraburgimit ndaj S.S., zyrtarit të komunës së Parteshit nën dyshimin se ka kryer veprën penale “keqpërdorim të pozitës apo autoritetit zyrtar”
Sipas kërkesës së prokurorisë “ekziston dyshimi i bazuar se i pandehuri S.S., më 12 nëntor 2020, në komunën e Parteshit, ka keqpërdorur detyrën e tij zyrtare, në atë mënyrë që duke përdorur vulën zyrtare të Republikës së Kosovës ka konfirmuar certifikatën e të qenit gjallë të gjendjes civile dhe të vendbanimit të tani të ndjerës D.S., edhe pse e njëjta ka qenë e vdekur, ku në këtë mënyrë ka mundësuar marrjen e pensionit të shtetit zviceran personit tjetër në vlerë prej 22.192 Fr.Zvicerane”.
Ai me urdhër të prokurorit gjendet nën masën e ndalimit 48 orësh.
