Profa me skuadër mposhtet nga Llapi i Batatinës

Sot në kuadër të xhiros së 20-të të Superligës së Kosovës u takuan skuadra e Llapit me atë të Gjilanit, ku këta të fundit pësuan disfatë prej 0:3, përcjell Periskopi.

Pas barazimit me Feronikelin, SC Gjilani nën drejtimin e Bylbyl Sokolit sot u mposht në Llap dhe, aktualisht gjendet në pozitën e 4’të me 30 pikë.

Në anën tjetër, Llapjanët kërkojnë mbetjen në elitë ku janë pasuruar me disa futbollistë të ndryshëm në afatin kalimtar dimëror, teksa me këtë fitore ngjiten në pozitën e 7’të me 23 pikë. /Periskopi