Prizren: Qytetari dorëzon në polici një kuletë me para që e kishte gjetur në një qendër tregtare
Një qytetar në Prizren ka gjetur një kuletë me para dhe dokumente të tjera në një qendër tregtare atje, e të cilën më pas e ka dorëzuar në polici, shkruan Gazeta Online Reporteri.net.
Në njoftimin e policisë thuhet se policia ka arritur ta identifikojë personin që e kishte humbur kuletën dhe të njëjtit i është dorëzuar.
Komunikata e plotë:
Qytetari dorëzon në Polici të hollat e gjetura
Prizren, 16 dhjetor 2024
Në Stacionin Policor në Prizren qytetari me inicialet E.K. ka dorëzuar një portofol të cilën e kishte gjetur në qendër tregtare ”Lorik Center Prizren. Në portofol kishte dokumente personale, disa kartela dhe para të gatshme në vlerë prej dyqind e njëzet (220) euro, tre (3) dollar amerikan dhe pesë (5) funta angleze.
Policia nëpërmjet rrugëve operative ka arritur që të identifikoj personin që i kishte humbur portofolin dhe të njëjtit pas verifikimit në bazë të procedurave ligjore i është kthyer.
Duke çmuar këtë gjest human, të devotshëm dhe të ndershëm falënderojmë qytetarin e ndërgjegjshëm, po ashtu falënderojmë të gjithë qytetarët për bashkëpunimin dhe besimin e vazhdueshëm në Policinë e Kosovës.
