Prishtina sot në vendin e katërt me ajrin më të ndotur në botë
Prishtina, Fushë Kosova, Ferizaj dhe qytete tjera të Kosovës sot janë me mjegull me dendur, gjersa Policia e Kosovës ka bërë apel për kujdes të shtuar në trafik.
Si rrjedhojë edhe ajri në Prishtinë është paraqitur të jetë ndër më të ndoturit në botë.
Në ranglistën e IQAir, që bën matjen e cilësisë së ajrit në nivel global, Prishtina në ora 14:32 është në vendin e katërt me ajrin më të ndotur në botë.
Indeksi i ajrit në Prishtinë është 235 që cilësohet si shumë i pashëndetshëm.
Sipas kësaj rangliste, qyteti i parë me ajrin më të ndotur është Sarajeva, pastaj Dhaka në Bangladesh, Delhi dhe në të katërtin është Prishtina.
Më poshtë mund ta shihni ranglistë me 10 qytetet me ajrin më të ndotur. /Telegrafi/
