Presidenti i FIFA-s, letër Armand Dukës: I trishtuar për sulmin e tmerrshëm në shtëpinë tuaj të hënën në mbrëmje

Situata e ndodhur kohët e fundit me Presidentin e Federatës së Futbollit Shqiptarë, Armando Duka dhe Bashkisë së Tiranës,  ka tronditur të gjithë opinionin shqiptarë por jo vetëm.

Presidenti i FIFA-s, Gianni Infantino ka shprehur të gjithë mbështetjen e solidarizimin e tij dhe të komunitetit të futbollit ndërkombëtar për Presidentin e FSHF-së, Armand Duka, pasi një sasi tritoli shpërtheu në derën e shtëpisë së kreut të qeverisë së futbollit shqiptar të hënën.

Përmes një letre Infantino është shfaqur i shokuar për këtë ngjarje të rëndë e të paprecedent, dhe thekson se Presidenti Duka ka të gjithë mbështetjen e futbollit ndërkombëtar në këto momente të vështira për të dhe për familjen e tij.

Më poshtë letra e plotë që numri një i futbollit botëror i ka dërguar Presidentit Duka:

“I dashur President

Mësova me tronditje të madhe dhe trishtim të thellë për sulmin e tmerrshëm në shtëpinë tuaj të hënën në mbrëmje.

Në emër të komunitetit ndërkombëtar të futbollit, dëshiroj të shpreh mbështetjen tonë më të sinqertë për ju dhe familjen tuaj. Mendimet tona janë me ju të gjithë në këtë moment të vështirë.

Shpresojmë që ky mesazh solidariteti dhe mbështetjeje të mund t’ju ndihmojë në këtë moment të vështirë.

I juaj sinqerisht,

Gianni Infantino”