Presidenti i FIFA-s, Gianni Infantino mbërrin në Tiranë
Presidenti i FIFA-s, Gianni Infantino së bashku me delegacionin e tij ka mbërritur para pak çastesh në Tiranë, ku edhe do ta zhvillojë vizitën e tij sot në Federatën Shqiptare të Futbollit (FSHF).
Numri një i FIFA-s dhe delegacioni i tij u priten nga presidenti i FSHF-së, Armand Duka.
Infantino vizitoi stadiumin “Air Albania”, ku u njoftua me infrastrukturën sportive shqiptare, ndërsa më pas u prit në takim nga kryeministri, Edi Rama.
Ndërkaq, në orën 18:00, Infantino do të jetë pjesëmarrës në ngjarjen festive që do të organizohet në “Shtëpinë e Futbollit”, me rastin e inaugurimit të kompleksit sportiv.
