Potter flet para ndeshjes me Dortmundin: Shkojmë në Gjermani për të marrë rezultatin që duam

Trajneri i Chelseat, Graham Potter, ka folur këtë të martë, në prag të përballjes së londinezëve, të mërkurën me Borussia Dormundin, në Ligën e Kampionëve.

“Është një garë për t’u eliminuar, gjithçka mund të ndodhë. Kështu është dhe nuk ka kthim prapa. Janë dy ndeshje. Mendoj se nuk është e dobishme për ne të mendojmë për Ligën e Kampionëve përtej Borussia Dortmundit. Besoj se kemi aftësinë për t’i mposhtur, por edhe ata kanë një ekip të aftë për të marrë rezultatin që duan”, tha fillimisht trajneri i Chelsea.

“Duhet të kuptoni kontekstin. Po shkojmë në Dortmund me përulësi dhe respekt për të provuar të arrijmë një rezultat që na intereson”, vazhdoi trajneri anglez.“Sigurisht që do të jetë një lojë shumë e vështirë kundër një kundërshtari të klasit të lartë. Por, në të njëjtën kohë, skuadra jonë ka lojtarë të mrekullueshëm”, përfundoi ai.