Policia parandalon një rast të kontrabandimit me mallra në vlerë mbi 10 mijë euro

Policia e Kosovës gjegjësisht njësia e Task Forcës – Lindje, në bashkëpunim me Doganën e Kosovës, kanë parandlaur një rast kontrabandës, shkruan Periskopi.

Sipas njoftimit tw policisë, si rezultat i intensifikimit të kontrolleve taktike dhe operacionale në terren, me datën 12.06.2024 në rrugën Stanqiq-Gjilan ka ndaluar një automjet transportues furgon me targa vendore me drejtues B. F. (viti i lindjes 1976).

“Gjatë kontrollit të automjetit është vërejtur se kishte të ngarkuara disa paketa me mallra të ndryshme në vlerë mbi 10.000 € si : dylbi teleskopi, pompa uji, aparate, bateri e mallra dhe gjësende të ndryshme”, thotw policia.

Tutje thuhet se të gjitha veprimet janë ndërmarrë në bashkëpunim me Prokurorinë e Shtetit, ku malli i kontrabanduar dhe automjeti sekuestrohen dhe dërgohen në terminalin doganor.

Policia e Kosovës mbetet e përkushtuar në luftimin e të gjitha dukurive negative dhe sjelljen para drejtësisë të të gjithë personave të përfshirë në raste penale.