Policia nis hetime për tri vdekje që ndodhën brenda një dite
Policia e Kosovës po i heton tri vdekje që kanë ndodhur në 24 orët e fundit. Në fshatin Nerodime të Epërme në Ferizaj është gjetur pa shenja jete një person, e në vendngjarje ka dalë ekipi mjekësor ku ka konstatuar vdekjen.
Për rastin është njoftuar prokurori, derisa hetimet janë iniciuar.
Ndërsa, një grua në Ferizaj ka njoftuar Policinë e Kosovës se ka gjetur vëllain e saj pa shenja jete. Vdekje e tij është konstatuar në vendin e ngjarjes, e rasti po hetohet si “hetim i vdekjes”.
Edhe në Drenas në mes të ditës është gjetur pa shenja jete një person.
“Raportohet se është gjetur pa shenja jetë viktima mashkull kosovar. Në vendin e ngjarjes kanë dalë njësitet përkatëse, ndërsa ekipi mjekësor ka konstatuar vdekjen e viktimës. Me vendim të prokurorit, trupi i pajetë është dërguar në IML për obduksion”, thuhet në njoftimin policor.
