Policia konfirmon se ka nisur hetimet për incidentin ku u përfshi Ronaldo

Policia e Merseyside ka njoftuar për nisjen e hetimeve lidhur me incidentin e shkaktuar të shtunën pas ndeshjes Everton – Manchester United, ku u përfshi Cristiano Ronaldo.

Në një video të publikuar dje, sulmuesi portugez shihej duke ia thyer telefonin një tifozi të Evertonit.

“Merseyside Police mund të konfirmojë se janë duke kryer një hetim pas një incidenti në ndeshjen mes Everton dhe Man Utd në Goodison që përfshin një lojtar teksa po dilte nga fusha dhe do të flasin me të gjitha palët përfshirë”, thuhet në njoftimin e Policisë.

Nëna e tifozit Jake Harding, Sarah Kelly, për “Liverpool Echo” rrëfeu se si ndodhi ky incident.

Ajo pretendon se Ronaldo përveç se ia theu telefonin djalit të saj, ai edhe e lëndoi në dorë.

Ronaldo smashing someone’s phone at full time ?? EFC pic.twitter.com/nw0XIK2enR

— EvertonHub (@evertonhub) April 9, 2022