Polici mbetet pa dënuar shoferin për shkak të baterisë së Tesla
Makinat elektrike mund të jenë të shpejta dhe nuk ndotin ajrin në qytete, por ato nuk janë alternativa më e mirë për t’i kapur ata që shkelin ligjin në rrugë.
Një gjë të tillë e mësoi nga dora e parë, polici nga Fremont, Kalifornia, qyteti ku ndodhet fabrika e makinave elektrike Tesla,
Sipas Mercury News, oficeri policor Jesse Hartman ishte duke patrulluar me një Tesla Model S, të cilin agjencitë e zbatimit të ligjit Fremont e përdorin në shërbimin e tyre të përditshëm, kur u angazhua në ndjekje policie për një makinë që po lëvizte me shpejtësi të lartë.
Për shkak të shpejtësisë së lartë me të cilën po lëvizte automjetin e tij, Hartman shpenzoi pothuajse gjithë baterinë dhe hoqi dorë nga ndjekja e shoferit që kishte shkelur ligjin për shkak të shpejtësisë së tejkaluar në rrugë.
Ndjekja vazhdoi nga kolegët e tij në makina të tjera patrullimi, por ata shumë shpejt hoqën dorë për arsye sigurie pasi trafiku u bë tepër i rëndë për ngasje me shpejtësi të lartë.
