Pësoi tronditje të rëndë në ndeshjen ndaj Ballkanit – Labinot Ibrahimi tregon se kur do t’i bashkohet skuadrës

Tre ditë më parë në ndeshjen ndaj Ballkanit, mbrojtësi i Malishevës, Labinot Ibrahimi pësoi një tronditje të rëndë.

Futbollisti u dërgua menjëherë me ambulancë në spital për tretman të metutjeshëm, shkruan Periskopi.

Periskopi ka kontaktuar Ibrahimi për të marr një përgjigje se kur do të kthehet në fushën e blertë, mbrojtësi tha se të hënën pritet të bëhen ekzaminimet nga mjekët për lëndimin e tij, e pas vendimit të tyre ai do të fillojë të luaj.

“Të hënën e kam edhe një ekzaminim dhe po pres se çfarë do të me thonë mjekët”, u shpreh Ibrahimi.

Kujtojmë se ai nuk do të jetë i gatshëm për ndeshjen e nesërme ndaj Drenicës që nis me fillim nga ora 13:00.